Er verið að gefa makrílinn?

-Mismunandi leiðir til úthlutunar kvóta!

Makríllinn hefur skilað miklum verðmætum, útflutningstekjum og mikilli framlegð og nú liggur fyrir frumvarp sjávarútvegsráðherra um úthlutun makrílkvóta til næstu sex ára. Ekki eru allir sáttir við fyrirætlanir um úthlutun makrílkvótans og hafa nú yfir 31.500 manns tjáð andstöðu sína gegn þessu frumvarpi með undirskrift á Þjóðareign.is. Úthlutun makrílkvótans hefur vakið mikla umræðu og hefur verið bent á margar leiðir við úthlutun kvótans. Á að fara í aflahlutdeildarkerfið með úthlutun kvótans til sex ára eins og frumvarpið kveður á um, til skemmri tíma, fara uppboðsleiðina eða stefna í aðra átt? Hvernig ætti að vera staðið að úthlutun og hvað ætti að vera greitt fyrir veiðiheimildirnar?

Félag viðskiptafræðinga og hagfræðinga hefur fengið valinkunna framsögumenn til að fjalla um núverandi frumvarp sjávarútvegsráðherra ásamt því að ræða hvaða leiðir eru í boði við úthlutun kvótans og kosti þeirra og galla á hádegisverðafundi þann 21. maí á Grand hótel. Leitast verður eftir að hafa sem flest sjónarmið uppi og svara þeirri spurningu hvernig sé sanngjarnast og hagkvæmast fyrir þjóðina að útdeila þessari nýju auðlind.

Dagskrá:
Sigurður Ingi Jóhannsson, sjávarútvegs- og landbúnaðarráðherra, opnar fundinn.
Markaðsleiðir á makrílmiðum: Þorkell Helgason, stærðfræðingur og einn af aðstandendum Þjóðareign.is
Hver á að veiða makríl?: Guðmundur Kristjánsson, forstjóri Brim hf.
Pallborðsumræður með spurningum úr sal

• Gunnar Tryggvason
• Örn Pálsson
• Þorkell Helgason,
• Guðmundur Kristjánsson

Fundarstjóri: Þorbjörn Þórðarson

Hádegisverður: Sjávarréttur þar sem makríll kemur e.t.v. við sögu.
Fundurinn fer fram á Grand hótel, fimmtudaginn 21. maí, milli 12:00-13:05, og er öllum opinn. Þátttökugjald er 3.950 kr. fyrir félagsmenn FVH og 5.950 kr. fyrir aðra.
Skráningu lokið. Nánari upplýsingar fást í fvh@fvh.is.